تاج مهم جدا جدا و اول تاج في المدونة

ازيكم يا جماعة ايه الاخبار
النهاردة جاني تاج من الاخ mohamed ghalia
و طبعا عشان مبحبش ازعل حد و التاج اساسا موضوعه هادف
قلت لما اجاوب عليه و بالمرة نشوف الاسئلة و نستفيد كلنا
و ادينا هنجاوب
السؤال الأول:ماهى السعادة من وجهة نظرك؟

السعادة ان الانسان يعيش مرتاح البال مش مهموم و شايل الدنيا علي دماغه و زاعق و يعيش الي حواليه في سعادة معاه
السؤال الثانى: كيف تصل إلى السعادة؟
السعادة ليها طرق كثيرة بس انا معرفلهاش طريق هي الي بتيجي لوحدها بدون ميعاد .
السؤال الثالث: هل السعادة وهم أم أنها حلم صعب؟
لأ ... السعادة حلم صعب او نقدر نقول انها معادلة صعبة عشان نحلها لازم مجهود .
السؤال الرابع: هل السعادة طريق للنجاح ؟وضح؟
اكيد ... لانه لو الانسان سعيد يبقي مرتاح البال صافي الذهن يقدر انه يبذل مجهود للامام و ينجح و يتفوق في عمله .
السؤال الخامس: ماهى أكثر اللحظات التى شعرت فيها بالسعادة؟
انا مش فاكر لحظة معينة كنت في قمة السعادة فيها ...... بس حسيت بالسعادة قبل كدة .
السؤال السادس:هل ممكن أن تحقق كل شىء؟
لا. مش ممكن احقق كل شئ في الحياة .
السؤال السابع: السعادة تجعلك تقبل على الحياة أم لا؟
السعادة تخلي اي حد يقبل علي الحياة مش أنا و بس .
السؤال الثامن: هل أحسست يوما انك وصلت لقمة السعادة؟
السؤال مكرر و الجواب نعم بس مش فاكر بالظبط اي مواقف .
السؤال التاسع: لماذا تمر أوقات السعادة بسرعة ؟
الله اعلم .... ده علم الله يختص بيه و انا معرفش السبب بس ممكن يكون لاننا متعودين علي النكد فتبقي السعادة لحظتها زي اللمحة ما بين الاوقات الطويلة دي .
السؤال العاشر: هل ترى السعادة فى التدين؟
اكيد طبعا السعادة بتبقي في التدين .
السؤال الحادى عشر: هل أنت متفاؤل وعندك أمل؟ وضح؟
انا مش متفائل اوي ... و لا عندي امل .... بس مقدرش اوضح .( معلش بقي )
السؤال الثانى عشر: إذا شعرت بالحزن ماذا تفعل؟
بتمشي شوية و اخرج من الجو الي انا فيه .
السؤال الثالث عشر: هل يستمر معك الحزن فترة ام ينقضى فى الحال؟
ساعات ساعات علي حسب الظروف الي حواليا .
السؤال الرابع عشر: ما رأيك فى الأفراد المتشائمين؟
مش شيفين من الدنيا غير وشها الوحش بس .

اعتقد كدة انا انهيت مهمتي و تحياتي بجد للاخ mohamed ghalia
و تحياتي للجميع
محمد